kris_p_tdk Instagram желісінде жарияланған ақпаратқа сәйкес, қазандық қаланың 2- шағын ауданында орналасқан.
Видеоны таратқан жергілікті тұрғындар "ыстық су жоқ, батарея да суып бара жатыр" деп жазды.
Zakon.kz тілшісіне Талдықорған қаласы әкімдігінің баспасөз қызметінің хабарлауынша, жарылыс сағат 12:55-те Жетісу шағын ауданында болған.
"№1 қазандықтың екі қабатты ғимаратында (бар болғаны екі қазандық) жылыту қазандығы жарылып (себебі анықталуда), терезе шағылды (жанбай)". Талдықорған қаласы әкімдігінің баспасөз қызметі
Жалпы, ведомство өкілдерінің мәлімдеуінше, оқиға кезінде бір ғана қазандық жұмыс істеп тұрған.
"Қазір резервтегі қазандық іске қосылып жатыр. Зардап шеккендер жоқ. Ауа температурасы -11 градус. Жылу магистралінде 52 градус".Талдықорған қаласы әкімдігінің баспасөз қызметі
Әкімдік өкілдерінің сөзінще, жұмыс температурасы "бір сағат ішінде қалпына келтіріледі".
