Қалалық полиция департаментінің баспасөз қызметінің хабарлауынша, бұл оқиға Наурызбай ауданында болған.
Алдын ала болжам бойынша, отбасындағы жанжал кезінде 48 жастағы ер адам әйеліне тапаншадан оқ атып, өз-өзіне қол жұмсаған.
Аталған дерек ҚР ҚК-нің 99-бабы бойынша сотқа дейінгі тергеудің бірыңғай тізіліміне тіркелді.
Сараптамалар тағайындалды.
Қаңтардың 31-і күні кешке қарай кісі өлтіру мен суицид орын алған жеке тұрғын үйдің аумағы қоршауға алынды. Көршілер айтқандай, үйде төрт адам – анасы, әкесі, ұлы және келіні тұрады.