Құзырлы ведомство нақтылап өткендей, біріншісі - бұл алты қабатты үй, оның толық қирау қаупі бар. Жергілікті тұрғындардың айтуынша, адамдар үйде қалуы мүмкін. Қазіргі уақытта кинологиялық есептер іздеу жұмыстарына кірісті. Егер адам табылса, иттер тиісті белгі беріп, оларды үйінді арасынан шығарып алу жұмыстары басталады.
Сурет: ҚР ТЖМ баспасөз қызметі
Екіншісі - бұл толығымен қираған тұрғын үй, онда адамдар да болуы мүмкін. Жедел ақпарат бойынша құтқарушылар үйінді астынан қайтыс болған адамның денесін шығарды. Мұнда құтқарушылар конструкцияларды бөлшектеп, іздеу жұмыстарын одан әрі жүргізу үшін үйінді астына түседі.
Сурет: ҚР ТЖМ баспасөз қызметі
Екі объектіде де құтқарушылар адамдардың болу фактілері толық жойылғанға дейін жұмыс істейтін болады.
Сурет: ҚР ТЖМ баспасөз қызметі
6 ақпанда таңертең Түркияның оңтүстік-шығысында 7,7 балдық жойқын жер сілкінісі болды.
Салдарынан, соңғы мәліметтер бойынша, 3 мыңнан астам адам қаза тапты, 20 мыңнан астам адам зардап шеккендер қатарында, 6 мың ғимарат қирады. Қазақстандық құтқарушылар мен дәрігерлер түрік әріптестеріне көмекке келіп жетті.
