Гүлмира Сатабылдыға мына қылмыстар бойынша айып тағылды:
- ҚР Қылмыстық кодексінің 389-бабының 3-бөлігі (Күш қолданумен немесе оны қолдану қатерін төндірумен не адамдар тобының алдын ала сөз байласуымен азаматтардың немесе ұйымдардың құқықтарына немесе заңды мүдделерiне не қоғамның немесе мемлекеттiң заңмен қорғалатын мүдделерiне елеулi зиян келтiрген өзінше билік ету);
- ҚР Қылмыстық кодексінің 125-бабының 2-бөлігінің 1, 8-тармақтары (Адамдар тобының алдын ала сөз байласуымен және пайдакүнемдiк ниетпен жасалған адам ұрлығы);
- ҚР Қылмыстық кодексінің 28-бабының 3-бөлігі (Қылмыстық топ құру).
Тағы екі айыпталушы – озбырлық пен адам ұрлады деп айыпталған Мәди Батыршаев пен адам ұрлады деп айыпталған Рашид Өтебеков кінәсін жартылай мойындады.
Олигарх Қайрат Сатыбалдының бұрынғы әйелі Гүлмира Сатыбалды адам ұрлады және озбырлық жасады деп айыпталуда. Екі кәсіпкер бизнесті рейдерлік жолмен басып алғанын хабарлады. Келтірілген шығын көлемі 6 миллиард теңгеден асады.
Ол 16 наурызда ұсталып, уақытша ұстау изоляторына қамалды.