Қарағанды қаласының әкімі Мейрам Кожухов пен Қарағанды қаласы ТЖ басқармасының бастығы Нұрлан Шакенов қаланың іргелес аумағын көктен шолып өтті.
Өңірлік ТЖД баспасөз қызметінің хабарлауынша, қаланың Михайловка бөлігі, Федоров су қоймасы, саяжай қоғамдары, Соқыр өзендерінің арналары, Көкпекті, Солонка, Оңтүстік-Шығыс секторы, Күнгей ауданы, Тәттімбет - Мұқанов көшесінің іргелес дала белдеуі және Рабочий кенті зерделенді.
"Ұшу барысында қаланың оңтүстік-шығыс бөлігінде канал салу бойынша жүргізілген жұмыстар, сондай-ақ ұзындығы 7,2 шақырым Рабочий кентінде Солонка өзенін санациялау және қорғаныс білігін салу бойынша жұмыстар қаралды. Өзендер қысқы режимде, қар жамылғысы шамамен 50% құрайды", делінген хабарламада.
Сурет: Қарағанды қалалық ТЖД баспасөз қызметі
Алдында Қостанай облысында жолды қызыл су шайып кеткені хабарланған.