Жас жүргізушіні Өскемендегі аулалардың бірінің тұрғындары видеоға түсіріп алған. Кадр полицейлерге жетіп, мән-жайды тәртіп сақшылары анықтады, деп хабарлайды Аltaynews ШҚО ПД-ға сілтеме жасап.
Кейінірек жас жігіт қамауға алынды. Анықталғандай, жасөспірім рұқсатсыз әкесінің көлігінің кілтін алып, көлікті ұрлап кеткен. Ол тіпті біраз уақыт қала көшелерімен көлік жүргізіп үлгерді. Артынша жасөспірімді тәртіп сақшылары байқап қалып, ұстады.
Құқық бұзушылықты баланың өзі жасағанына қарамастан, ата-анасы жауап беруге мәжбүр. Оларды 70 мың теңгеге жуық айыппұл күтіп тұр.
Бір ай бұрын Таразда жасөспірім әкесінің «Ауди» көлігін ұрлап, жол-көлік оқиғасын жасаған болатын. Оныншы сынып оқушысы тізгінге ие бола алмай, көлік көпірден ұшып кеткен.
