Қалалық полиция департаментінің баспасөз қызметі 9 маусым күні сағат 14:19-да "102" желісіне Сығанақ көшесінің бойындағы үйлердің біріндегі 12-қабаттың терезесінен әйел баласымен бірге құлап кеткені туралы қоңырау түскенін хабарлады. Оқиға орнына полиция қызметкерлері барды.
"Әйел алған жарақаттарынан оқиға орнында көз жұмды. Нәрестені ауруханаға жеткізіп үлгергенімен, аман алып қала алмады", – делінген хабарламада.
Сотқа дейінгі тергеу басталды.
2021 жылы Алматыда үш баласы бар әйел тоғызыншы қабаттан секіріп кетті. Әйел мен екі бала оқиға орнында көз жұмды. Тағы бір бала жедел жәрдем көлігінде қаза болды.