5 шілде күні сағат 02:40-та облыстық төтенше жағдайлар департаментінің кезекші қызметіне Жітіқар қаласындағы №9 орта мектепке қарама-қарсы орналасқан қараусыз қалған амбулатория ғимаратының бесінші қабатының терезесінен 2007 жылы туған қыз құлап кеткені туралы ақпарат түскен.
"Жәбірленуші терезенің алдында темекі шегіп отырған, сонан соң басы айналып, төмен қарай құлап кеткен", – деп хабарлады ТЖД.
Бойжеткен бел омыртқасының және қабырғасының сынуы диагнозымен ауруханаға жатқызылды.
Бұған дейін Қостанайда 13 жастағы қыз төртінші қабаттың терезесінен құлап кеткен еді. Ол түрлі сынықтармен ауруханаға жеткізілді.