БАҚ өкілдері адам өлімі үшін АМТ басшылығы қандай жауапкершілікке тартылатынын сұрады.
"Оқиғаның, жеке құрамның өлімінің себептерін тексергеннен кейін материалдар сотқа беріледі, ол жауапкершілікті анықтайды. Комиссия материалдарында іс-әрекеттерімен қауіпсіздік ережелерін бұзған тұлғалар, лауазымдық нұсқаулықтар көрсетіледі. Сондықтан мұны сот анықтайды, тәртібі белгілі", - деді Қарағанды облысы әкімінің бірінші орынбасары Вадим Басин.
Телеген Оспанқұлов өз кезегінде қылмыстық жауапкершілікті де жоққа шығармады.
"Бұл топтық жазатайым оқиға. ҚР Қылмыстық кодексіне сай, егер сот шынымен де басшылықтың кінәлі екенін мойындаса, онда жеті жылға дейін қылмыстық жауапкершілік қарастырылған", - деді ол.
"Қазақстан" кенішіндегі қайғылы оқиғадан үлескердің өзі де хабардар екені белгілі болды.
"Бізде меншік иесі Лакшми Митталмен өзара іс-қимылдың белгіленген тәртібі бар. Акционердің өкілін хабардар еттік, олар бұл жағдайдан толық хабардар", - деді "АрселорМиттал Теміртау" АҚ атқарушы директоры Виктор Гафиулов.
2023 жылғы 17 тамызда сағат 10:05-те "АрселорМиттал Теміртау" АҚ көмір департаментінің "Қазақстан" шахтасында өрт шықты. Ол кезде шахтада барлығы 227 адам болған. Оның 222-сі жер бетіне шығарылса, бесеуі жер астында қалды.
Аталған факті бойынша ҚР ҚК 2-бөлігі бойынша сотқа дейінгі тергеу басталды. 277 ("Тау-кен жұмыстарын немесе құрылыс жұмыстарын жүргізу кезіндегі қауіпсіздік ережелерін бұзу") ҚР Қылмыстық кодексінің 277-бабы бойынша қылмыстық іс қозғалды. Іс Қарағанды облысы прокуратурасының бақылауында.
Кейінірек бір марқұмның – компания қызметкері, 1965 жылы туған Виталий Слюнковтың мәйіті табылды. AMT тағы төрт кеншіні іздестіріп жатқанын хабарлады.
18 тамыз күні сағат 8:15-те шахталарды зерттеу кезінде тағы бір марқұмның денесі табылды. Тағы үш адам іздестіріліп жатыр.
18 тамызда Қарағанды облысы әкімінің бірінші орынбасары Вадим Басин бес адамның "Қазақстан" кенішінен шықпауының алдын ала себебін атады.
