"22 тамызда сағат 13:30-да 9 ықшам ауданда бес қабатты тұрғын үйдің үшінші қабатындағы пәтердің терезесінен 2019 жылы туған қыз бала құлап кетті. Оқыс оқиға бала ересектердің қарауынсыз жалғыз қалған кезде орын алды. Зардап шегуші қалалық балалар ауруханасына жатқызылды. Дәрігерлер оған мидың шайқалуы, қабақтың ашық жарасы, іштің доғал жарақаты, жағдай қанағаттанарлық деп диагноз қойды", делінген облыстық ТЖД баспасөз қызметінің хабарламасында.
Төтеншеліктердің Қостанайда баланың терезеден құлауы бойынша биыл 7 факт, ал облыс бойынша 13 жағдай тіркелгенін нақтылады.