Қайғылы жағдай болған жерден түсірілген видео myastanacity Telegram арнасында жарияланды.
"Тұран даңғылында бойжеткен тұрғын үй кешенінен құлап кетіп, қайтыс болды. Полиция жедел тергеу амалдарын жүргізіп жатыр", – делінген хабарламада.
Zakon.kz тілшісі түсініктеме алу үшін елорданың полиция департаментіне хабарласты.
"Елордалық полицейлер Тұран даңғылындағы тұрғын үй кешенінің балконынан құлап кеткен қызға қатысты тергеуді бастады. Қазір кешенді жедел тергеу шаралары жүргізіліп жатыр". Астана полиция департаментінің баспасөз қызметі
Полицейлер оқиғаның мән-жайы анықталып жатқанын айтты.