Арнайы жедел-тергеу тобы Шучинскке аттанды.
Ақмола облысы полиция департаментінің мәліметінше, қосымша ҚР ҚК-нің 105-бабы бойынша (Өзін-өзі өлтіруге дейін жеткізу), сондай-ақ қаза тапқан адамның туыстарының одан ақша бопсаланды деген арызымен ҚР ҚК-нің 194-бабы 2-бөлігі бойынша қылмыстық істер қозғалды.
"Болған оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр. Алдын ала тергеу нәтижелері бойынша құқықтық баға берілетін болады. Тергеу барысы Ішкі істер министрлігінің ерекше бақылауында", – делінген хабарламада.
2023 жылғы 7 қазанда Ақмола облысындағы Бурабай – Жамантұз темір жол өткелінде студент жігіттің мәйіті табылды.
Көп ұзамай полицейлер Қазақстан Республикасы Қылмыстық кодексінің 344-бабының 2-бөлігі "Абайсызда адам өліміне әкеп соққан жол қозғалысы немесе темір жол көлігін пайдалану қауіпсіздігі қағидаларын бұзу" бойынша сотқа дейінгі тергеп-тексеру жұмыстары басталғанын хабарлады.
Артынша желіде марқұм студенттің анасының президент пен Ішкі істер министрлігі басшысына жазған видео үндеуі жарияланды.
Әйел ұлынан белгісіз біреулер бірнеше рет ақша бопсалағанын айтты. Сондай-ақ марқұмның анасы қалада ұйымдасқан қылмыстық топ жұмыс істейді деп есептейтінін айтты.
Әйел Қасым-Жомарт Тоқаевтан осы жағдайды реттеп, бопсалауды тоқтатуға көмектесуін сұрады.
Қасым-Жомарт Тоқаев 10 қазан күні Ішкі істер министріне Ақмола облысының Щучинск қаласында болған студенттің өліміне қатысты қайттың барлық мән-жайын жан-жақты тексеруді тапсырды.
Президент бұл мәселені ерекше бақылауға алды.