ҚР ТЖМ баспасөз қызметінің 10 қазан күні хабарлауынша, құтқарушылар Ауғаснтанға Қазақстан президенті Қасым-Жомарт Тоқаев берген тапсырманы орындау үшін аттанып кетті. Барлығы 45 адам жолға шықты. Олардың арасында Республикалық жедел-құтқару жасағының құтқарушылары, кинологиялық есептобы, Апаттар медицинасы орталығының дәрігерлері мен фельдшерлері бар.
Сурет: ҚР ТЖМ баспасөз қызметі
"Бұл құтқару операцияларында көпжылғы тәжірибесі бар білікті мамандар. Бірқатар құтқарушылар мен медицина қызметкерлері биылғы жылы Түркиядағы жойқын жер сілкінісі салдарын жоюға қатысқан".ҚР ТЖМ баспасөз қызметі
Топ қажетті жабдықтармен жабдықталған. Топты Қазақстан Республикасы ТЖМ Азаматтық қорғаныс және әскери бөлімдер комитеті төрағасының міндетін атқарушы Ұларбек Әбікеев басқарады.
Сурет: ҚР ТЖМ баспасөз қызметі
9 қазан күні мемлекет басшысы Қасым-Жомарт Тоқаевтың тапсырмасымен Қазақстан Республикасы Ауғанстанға гуманитарлық көмек көрсететіні хабарланды.
2023 жылы 7 қазанда Ауғанстанның батысында магнитудасы 6,2-ге тең жер сілкінісі болды.
