Елордалық полиция департаментінің мәліметінше, полицияға Астана тұрғыны арызданған. Ол біреудің гаражынан жалпы құны 800 мың теңге тұратын сегіз көлік дөңгелегін бәзбіреу ұрлап кеткенін айтқан.
Полицейлер бейнебақылау камерасының жазбаларын тексеріп, күдіктіні анықтады. Ол 28 жастағы елорда тұрғыны болып шықты. Ер адам бөтен гараждың құлпын бұзып, доңғалақтарды шығарып алған, содан кейін оларды жүктеуге такси шақырған. Сонымен бірге ол кездейсоқ өтіп бара жатқан адамнан ұрланған заттарды көлікке тиеуге көмектесуін сұраған. Өтіп бара жатқан адам да, такси жүргізушісі де көз алдында ұрлық болып жатыр деп күдіктенбеген.
Күдіктіге қатысты ҚР Қылмыстық кодексiнің 188-бабы бойынша сотқа дейінгі тергеу басталды. Ұсталған азамат кінәсін мойындады. Полицейлер оның басқа да осыған ұқсас қылмыстарға қатысы бар-жоғын тексеріп жатыр.
Қазан айының басында Шымкентте де осындай оқиға болған. Ол кезде бірнеше жас жігіт ұрланған самокатты жолға шығаруды өтінген бейтаныс адамға көмектескен.