Вице-министр Серік Төленбергеновтің басшылығымен ТЖД, Жедел құтқару жасағы, Республикалық жедел құтқару жасағы күштерімен, Қорғаныс министрлігінің әуе кемелерімен Қаратал ауылынан Ойыл ауылына халықты эвакуациялау жүріп жатыр, делінген ведомство хабарламасында.
Сондай-ақ, аумақты көктен аэровизуалды шолу жүргізілді.
Қаратал ауылынан барлығы 148 адам, оның ішінде 60 бала қауіпсіз аймаққа көшірілді.
Эвакуациялау жұмыстары жалғасуда.
Сондай-ақ бүгін түнде Ақтөбе облысы Ойыл ауданының Ш.Берсиев ауылына ТЖД, ЖҚЖ құтқарушылар тобы ҚР ҚМ әуе кемелерімен жүзу құралдарында тұрғындарға қажетті киім-кешек пен көрпе, азық-түлік, гигиена заттарын жеткізді. Сонымен қатар АМО психологтары психологиялық көмек көрсетті, жедел-құтқару жасағының психологтары балалармен жұмыс жүргізуде.
Айта кетсек, еліміздің төрт өңірінде су тасқыны қаупі әлі сақталып отыр.