Атырау облыстық ТЖД мәліметінше, 2000 жылғы баласының денесі өз үйінен бір шақырым қашықтықта 1.5 метр тереңдіктегі су астынан табылды.
ТЖД баспасөз қызметінің хабарлауынша, 2024 жылы 6 сәуірде Жылыой ауданы Құлсары қаласында 1976 жылғы ер адам 2000 жылы туған баласын ертіп, су басқан үйін көріп қайтуға аттанған.
Құтқарушылар шақырту түскен уақыттан бастап, тұрғындарды эвакуациялау жұмыстарына қарамастан іздестіру жұмыстарын жүргізді. Іздестіру жұмыстарына Атырау облысы ТЖД 40 жеке құрам, 1 бірлік техника, 6 бірлік жүзу құралы жұмылдырылды.
1976 жылғы ер адамның денесі, бүгін, 14 сәуірде шамамен сағат 09-00-де табылды.
