Оның мәліметінше, бүгінде ҚМА-да тіркелген қылмыстық істер жоқ.
"Біз заңсыз сатып алынған қылмыстық кірістер бөлігінде жаһандық тексерулерді тұрақты негізде жүргіземіз. Егер қылмыстық жолмен алынған және заңдастырылған қандай да бір заңсыз кірістер анықталса, онда біз оларды міндетті түрде жауапқа тартамыз. Ал петиция бойынша-оның нәтижелерін күтейік, оған міндетті түрде назар аударамыз", – деп толықтырды Жеңіс Елемесов.
2024 жылдың сәуірінде желіде Мемлекет басшысына үндеу жолдаған петиция пайда болды. Онда Қуандық Бишімбаевтың отбасы мүшелері мен туыстарының мүліктік жағдайы мен активтерін тәуелсіз тексеру сұралды.
2023 жылғы 9 қарашада ұлттық экономиканың экс-министрі Қуандық Бишімбаев әйелін өлтірді деген күдікпен ұсталды. 2024 жылдың 13 мамырында сот экс-министрді 24 жылға бас бостандығынан айырды.