Газ баллонының жарылуы туралы хабар 16 маусымда сағат 9:49-да "103" операторының пультіне түсті. Оқиға орнына жедел медициналық жәрдемнің бес бригадасы шықты, деп хабарлады облыстың денсаулық сақтау басқармасы.
Денсаулық сақтау басқармасының басшысы Мадияр Өтешев, басшының орынбасары Гүлнар Әбдірахманова, ДСБ бас штаттан тыс травматологы Серік Қарекенов және қалалық көпсалалы аурухананың директоры Арман Мырзахметов "Ел ырысы" базарындағы жарылыс кезінде зардап шеккен ГМБ және ЖҚМБ науқастарына барды.
Қазіргі уақытта үш ересек адам реанимацияда, үшеуі политравма бөлімінде. Зардап шеккен екі баланың бірі-реанимацияда.
"Бас штаттан тыс травматолог, қалалық көпсалалы аурухананың директоры және директордың орынбасары, ЖҚМК, реанимация терапия бөлімшесінің меңгерушісінің қатысуымен консилиум өткізілді".БҚО ДСБ баспасөз қызметі
Сондай-ақ, Астана және Алматы қалаларының Апаттар Медицинасы Орталығымен реаниматологтармен және комбустиологтармен бірлесіп телемедицина жүргізілді.
Емдеу тактикасы келісілген.
16 маусымда Оралдағы мал сою орнында газ баллоны жарылды.