ҚР ТЖМ мәліметінше, құтқарылғандар 24 жастағы Ақтөбе облысының тұрғындары.
Олар sup board пен сырғанауға теңізге барыпты. Алайда ағын оларды үлкен теңізге алып кеткен. Осы уақытта агитациялық- профилактикалық жұмыстарды жүргізу кезінде ТЖМ жедел құтқару - жасағының құтқарушылары жағалаудан 1500 метр жерде "Солдат" жағажайы аумағында көмек сұраған адамдарды көріп, дереу құтқару жұмыстарына кіріскен.
Сурет: ҚР ТЖМ баспасөз қызметі
Олар қайықпен жағалауға жеткізілген, жағдайлары тұрақты. Медициналық көмек қажет болмаған.
Бұған дейін Төтенше жағдайлар министрі Шыңғыс Әрінов ағымдағы жылдың басынан бастап 45 адам, ал 1 маусымнан бері 27 адам суға батып кеткенін айтқан болатын.
