Бұл туралы 2024 жылғы 22 шілдеде Алматы облысы полиция департаментінің (ПД) бастығы Бауыржан Аленов айтты.
"Облыстық ұйымдасқан қылмысқа қарсы күрес басқармасының полицейлері Қарасай ауданының тұрғынынан алаяқтық жолмен 20 миллион теңге иемденген ер адамды ұстады.Тексеру барысында алаяқ арызданушының азаматтық некедегі жұбайын мегаполистегі ірі сауда орталықтарының біріне директор лауазымына тағайындау туралы мәселені шешу сылтауымен ақша алғаны анықталды", деп жазды ол Instagram-да.
Оның айтуынша, күдікті уақытша ұстау изоляторына қамауға алынды.
"Алаяқтық фактісі бойынша қылмыстық іс қозғалды. Тергеу жалғасуда". Бауыржан Аленов
Оқи отырыңыз: 1-18 шілде аралығында Қазақстан Республикасының аумағында ІІМ жедел қызметтері 97 қылмыскерді ұстады, оның 28-і шет мемлекеттердің сұрауы бойынша
