Оқиға орнында болған куәгерлер видеомен бөлісті.
Жергілікті полиция қызметінің хабарлауынша, бұл жол-көлік оқиғасы Алматының Алмалы ауданында орын алған.
"Сейфуллина даңғылымен оңтүстік бағытта, Мақатаев көшесінің оңтүстігінде келе жатқан троллейбус жүргізушісі рульді басқара алмай, аялдама кешені мен аялдамада тұрған жаяу жүргіншіге соқтығысты. Апат салдарынан жаяу жүргінші дене жарақатын алды." Алматы қалалық полиция Департаменті Баспасөз қызметі
Алмалы аудандық полиция Басқармасының қызметкерлері оқиғаның мән-жайын анықтауда.
Бұған дейін тағы бір жол-көлік оқиғасы орын алып, салдарынан екі адам зардап шеккен, оның ішінде бір бала болған еді. Оқиға Желтоқсан даңғылында, Әйтеке би мен Гоголь көшелерінің арасында болған.