Құтқарушылар "Ембі жылу" КСС-3-тен екі ер адамның денесін алып шыққан. Марқұмдардың 58 жаста екені айтылады. Метаннан уланған тағы екі адам жедел жәрдем көлігімен Ембі ауруханасына жеткізілді.
"1971 және 1978 жылы туған ер адамдар соматикалық бөлімге жатқызылды, детоксикация терапиясы жүргізілуде. Жағдайлары қанағаттанарлық деңгейде", деп "Диапазон" жергілікті басылымы облыстық денсаулық сақтау басқармасының түсініктемесін келтіреді.
Облыстық полиция департаменті ҚР ҚК-нің 156-бабы, 4-бөлігі, "Еңбекті қорғау ережелерін бұзу" бойынша тергеудің басталғанын хабарлады.
Бұған дейін Балқаштағы демалыс орындарының бірінде жаппай улану фактісі тіркелгені хабарланған: 18 адам емделуде, барлығы 29 адам ауруханаға көмекке жүгінген.