"ҚазАвтоЖол" ҰК" АҚ баспасөз қызметінің хабарлауынша, 2024 жылғы 6 қарашада сағат 18:00-де Жамбыл облысында республикалық маңызы бар А-2 "Алматы-Ташкент-Термез" автожолының 534-593 шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына шектеу енгізілді.
Сағат 18:00-де Түркістан облысында республикалық маңызы бар А-2 "Алматы-Ташкент-Термез" автожолының 593-620 шақырым аралығында (Жамбыл облысының шекарасынан Тұрар Рысқұлов ауылына дейін) жүк және қоғамдық көліктердің қозғалысына тыйым салынды.
Сағат 19:00-де Қостанай облысында республикалық маңызы бар А-16 "Жезқазған-Петропавл" автожолының 339-377 шақырым аралығында (Арқалық қаласынан Ақмола облысының шекарасына дейін) көліктің барлық түрінің қозғалысына да шектеу енгізілді.
Сондай-ақ сағат 19:00-де Ақмола облысында республикалық маңызы бар А-16 "Жезқазған-Петропавл" автожолының 377-440 шақырым аралығында (Қостанай облысының шекарасынан Державинск қаласына дейін) көліктің барлық түрінің қозғалысына тыйым салынды.
Бұған дейін 2024 жылғы 7, 8 және 9 қарашада республика бойынша ауқымды циклонның әсерінен тұрақсыз ауа райы сақталатындығы хабарланған болатын.
