ҚР ТЖМ баспасөз қызметінің мәліметінше, үйде шығып қалған газ ауа қоспасымен араласып жарылыс болған, сөйтіп өрт басталған.
ТЖД қызметкерлері оқиға орнына жеткенде өрт үйдің шатырына жетіп алған.
"Өрттің ауданы 120 шаршы метрді құрады. Ақмола облысы мен Астана ТЖД қызметкерлерінің жедел және үйлесімді іс-қимылының арқасында өртті қысқа мерзімде жоюға және оның үлкен аумаққа таралуына жол берілмеді", - деп түсіндірді ведомствоның баспасөз қызметі.
Өрт кезінде күйік шалған және шұғыл ауруханаға жатқызылған 16 жасар жасөспірім зардап шекті. Дәрігерлер оның жағдайын тұрақты деп бағалайды.
2025 жылдың 19 қаңтарында Алматыда әл-Фараби даңғылында жол апаты болды. 20 жастағы Toyota жүргізушісі рөлге ие бола алмай, тротуарға шығып кетіп 39 жастағы әйелді қақты. Апат салдарынан ол оқиға орнында жан тапсырды.