Ол Орманбаеваға ҚР Қылмыстық кодексінің 174-бабы – ұлтаралық араздықты қоздыру бойынша іздеу жарияланғанын растады.
"Сәйкесінше, қазір барлық тергеу әрекеттері оның тұрған жерін анықтауға бағытталған. Мұнымен Интерпол айналысып жатыр. Мен оның қайда екенін айта алмаймын. Әлеуметтік желілерде оның БАӘ-нен болған жағдайға түсініктеме беріп жатқанын жазып жатыр, бірақ бізде нақты ақпарат жоқ", – деді ол.
2025 жылдың 25 қаңтарында әлеуметтік желілерде қазақстандық продюсер, қоғам қайраткері, журналист және жазушы Дана Орманбаеваға халықаралық іздеу жарияланғаны туралы ақпарат пайда болды. Алматы полиция департаменті ақпаратты растады.
Бұған дейін продюсер Баян Алагузова 2024 жылы 4 желтоқсанда журналистпен соттасып жатқан дауға нүкте қойған Орманбаеваны сотқа берген.