Ол мұндай тізілімді енгізу жоспарда бар екенін еске салды. Оған сыбайлас жемқорлық құқық бұзушылық жасағандар және заңды күшіне енген сот үкімі немесе прокуратура бекіткен өзге де шешім болған жағдайда ғана кіретін болады.
"Бұл тек жоспарда бар. Ол заңнамамен реттелуі керек, қазір бұл заң Мәжілісте қаралып жатыр, сондықтан оның барлық осы процедуралардан – Мәжіліс, Сенат және оған қол қойылғаннан кейін қалай өтетіні ескерілетін болады", – деді Дархан Құрақбаев.
Ол сыбайлас жемқорлыққа жол берген шенеунікті соттылығы жойылғаннан кейін тіркеуден шығаруға болатынын айтты.
Мәжілісте талқыланып жатқан "Сыбайлас жемқорлыққа қарсы іс-қимыл мәселелері туралы" заң жобасында жемқорлыққа жол берген шенеуніктердің тізілімін құру туралы норма енгізілгені бұған дейін хабарланған болатын.