Астанаға қатынайтын DV5270 рейсіне отыруы тиіс болған марқұмның туыстарымен байланыс орнатылып, консульдық оларға барлық мәселе бойынша көмек берілетінін жеткізді. Қайғылы оқиға 2025 жылы 18 мамырда болды.
"Зардап шеккен екі әйелге қажетті медициналық көмек көрсетілді, олардың денсаулығына қауіп төніп тұрған жоқ. Мысыр тарапы Қазақстан азаматының қайғылы қазасына байланысты қайғырып, шын жүректен көңіл білдіреді. Мысырдың азаматтық авиация министрі бұл оқиғаны өзінің жеке бақылауына алып, дереу оқиға орнына комиссия жіберді. Қазір оқиға орнында тергеу шаралары жүргізілуде. ҚР елшілігі де бұл оқиғаны ерекше бақылауына алды", - дейді ҚР СІМ баспасөз қызметі.
Мысырдың азаматтық авиация министрі жерлесімізбен болған қайғылы оқиғаны тергеуді жеке бақылауына алғаны нақтыланады.
Бұған дейін Алматы әуежайында науқас баланы дұрыс қарсы алмаған әуе компаниясы жауапқа тартылғанын жазғанбыз.