Қайғылы оқиға 2024 жылғы қазанның 3-інен 4-іне қараған түні Талғар қаласындағы "Қамажай" дүкенінің маңында болған. Басты сот 2025 жылдың 17 сәуірінде басталып, екі айға жуық уақытқа созылды. Зардап шеккендер ретінде марқұмның туыстары танылды: әжесі Жұмабике Қадірова, әкесі Қаржаубай Нұрымов және анасы Гүлбара Бишімбиева. Рысқұлово ауылының тоғыз тұрғыны айыпталушы алқасына отырды: олардың бірі Абзал Шынасыл жасөспірімді өлтірді деп айыпталса, қалғандары Қылмыстық кодекстің түрлі баптары бойынша: кісі өлтіруге оқталу, бұзақылық, ұрлық және ауыр қылмыс туралы хабарламау бойынша айыпталды. Сот отырысында айыпталушылардың ешқайсысы өз кінәсін толық мойындамады. Судья Ержан Жанұзақов мыналарға қатысты үкім шығарды:
- А.Н. Шынасыл ҚК 293-бабы 3-бөлігі бойынша – 7 жыл бас бостандығынан айыру, ҚК 99-бабы 2-бөлігінің 5, 9, 14-тармақтарының бойынша – 20 жыл бас бостандығынан айыру, ҚК 24-бабының 3-бөлігі, 99-бабы 2-бөлігінің 1, 7, 9-тармақтары бойынша – 15 жыл бас бостандығынан айыру; ҚК 58-бабының 4-бөлігіне сәйкес жазаларды ішінара қосу жолымен А.Н. Шынасылға орташа қауіпсіздік қылмыстық-атқару жүйесі мекемелерінде жазасын өтей отырып, 23 жылға бас бостандығынан айыруды тағайындады.
- Р.Б. Сакиев ҚК 293-бабының 3-бөлігі бойынша – 7 жыл бас бостандығынан айыру, ҚК 24-бабының 3-бөлігі, 99-бабы 2-бөлігінің 7, 9-тармағы бойынша – 15 жыл бас бостандығынан айыру; ҚК 58-бабының 4-бөлігі бойынша жазаны ішінара қосу жолымен Р.Б. Сакиевке – орташа қауіпсіздік қылмыстық-атқару жүйесі мекемелерінде жазасын өтей отырып, 20 жыл бас бостандығынан айыру тағайындады.
- А.М. Тоқтаубаевқа ҚК 293-бабының 3-бөлігі бойынша – 7 жыл бас бостандығынан айыру, ҚК 188-бабының 1-бөлігі бойынша – 3 жыл бас бостандығынан айыру, ҚК 58-бабының 3-бөлігі бойынша – 9 жыл бас бостандығынан айыру, ҚК 58-бабының 6-бөлігі негізінде (ҚК 106-бабы 2-бөлігінің 7-тармағы бойынша 7 жылға бас бостандығынан айыру туралы Талғар аудандық сотының 17.10.2024 жылғы үкімі) А.М. Тоқтаубаевқа жазаларды ішінара қосу жолымен орташа қауіпсіздік қылмыстық-атқару жүйесі мекемелерінде жазасын өтей отырып, 15 жылға бас бостандығынан айыру тағайындады;
- Н.Т. Ильясов ҚК 293-бабының 3-бөлігі бойынша – 7 жылға бас бостандығынан айыру, ҚК 60-бабына сәйкес (ҚК 107-бабы 2-бөлігінің 5-тармағы, 293-бабы 2-бөлігінің 1, 3-тармағы бойынша 2,6 жылға бас бостандығын шектеу туралы Талғар аудандық сотының 04.04.2024 жылғы үкімі) жазаны ішінара қосу жолымен орташа қауіпсіздік қылмыстық-атқару жүйесінің мекемелерінде жазасын өтей отырып 9 жыл бас бостандығынан айыру түпкілікті тағайындады.
- Әскентай Д.Б., Тоқтаубаев Н.М., Белгожаев Ш.А. және Қалиахмет Д.Е. әрқайсысына ҚК 293-бабының 3-бөлігі бойынша әрқайсысына орташа қауіпсіздік қылмыстық-атқару жүйесі мекемелерінде жазасын өтей отырып, 7 жылға бас бостандығынан айыру тағайындады;
- кәмелетке толмаған Д.Қ. Ысқаққа ҚК 434-бабы бойынша – кәмелетке толмағандарды ұстау үшін орташа қауіпсіздік қылмыстық-атқару жүйесі мекемелерінде жазасын өтей отырып 1 жыл 6 айға бас бостандығынан айыруды тағайындады.
2025 жылдың 2 маусымында іс талқыланып, онда мемлекеттік айыптау сотталушыларға сұрап отырған жаза мерзімін жариялады. Өз кезегінде Шерзат Полаттың анасы оны өлтірген сотталушыны өмір бойына бас бостандығынан айыруды сұрады.