Құтқарушылардың мәліметінше, 112 желісіне тоғыз жастағы баланың уайымдаған анасы қоңырау шалып, бала велосипед теуіп жүргенде, оның саусағы шынжыр мен жұлдыздың арасында қысылып қалғанын айтқан.
Бала саусағын өз бетінше босата алмаған, көмекке келген анасы да құтқара алмаған.
"Бірнеше минуттан кейін келген ТЖМ құтқарушылары екеуін де тыныштандырып, артқы доңғалақты шешіп, шынжыр босаған кезде, баланың саусағын босатты. Оған медициналық көмек қажет болмады",- делінген ақпаратта.
Бұған дейін Шымкентте такси көлігін таспен қиратқан әйелдің әрекеті желіні шулатқанын жазған болатынбыз.