Ақорда таратқан мәліметке сүйенсек, Еуразиялық экономикалық одаққа мүше елдердің мемлекеттер басшылары Тәуелсіздік сарайында шағын құрамда бас қосып, экономикалық интеграцияны одан әрі дамыту перспективасын талқылады.
Сурет: akorda.kz
Жиынға Беларусь Президенті Александр Лукашенко, Армения Премьер-министрі Никол Пашинян (бейнебайланыс арқылы), Қырғызстан Президенті Садыр Жапаров, Ресей Президенті Владимир Путин қатысты.
Сурет: akorda.kz
Сондай-ақ, Ақорда ЕАЭО-ға мүше мемлекеттер басшыларының Минскідегі Тәуелсіздік сарайында бірге түскен суреттерімен де бөлісті.
Сурет: akorda.kz
Айта кетейік, Қасым-Жомарт Тоқаевтың ұшағы Беларусь астанасы Минск қаласына кеше, 26 маусымда кешке қонған болатын.