Орталық полиция бөлімінің қызметкерлері күдікті ретінде 26 жастағы жергілікті тұрғынды ұстады. Ол бутиктен смартфонды жасырын түрде иемденді деген күдікке ілінді.
Тергеу барысында 37 жастағы жәбірленуші ұрланған гаджеттің құнын 77 мың теңгеге бағалады.
Ал күдікті оңай табыс табуды көздеп, сатушының басқа жаққа назар аударған сәтін пайдаланып, сөренің үстінде қараусыз жатқан құрылғыны қалтасына басып кеткенін мойындады.
Ұрлықтан кейін ол смартфонды ломбардқа өткізбек болған. Алайда сауда орталығына орнатылған бейнебақылау камералары қылмыс сәтін толық жазып алып, тәртіп сақшыларына күдіктіні тез анықтауға мүмкіндік берді.
Сұрақ-жауап барысында күдікті тағы бір қылмысын мойындады — ол басқа сауда үйінен сағат ұрлағанын да жасырмаған. Қазіргі таңда аталған фактілер бойынша ҚР Қылмыстық кодексінің 188-бабы бойынша сотқа дейінгі тергеу амалдары жүргізіліп жатыр.