Түнде Орал қаласының тұрғыны 112 қызметіне хабарласып, өзінің бір топ адаммен Ақан сері көшесінде орналасқан тұрғын үйдің біріндегі істен шыққан жеделсаты ішінде қалып кеткенін хабарлады. Оқиға орнына ТЖМ-ның құтқару жасағы дереу аттанды.
Олар арнайы жеделсаты кілтінің көмегімен есікті ашып, 6-шы және 7-қабаттар арасында тұрып қалған кабинаның ішінен 5 ересек адам мен 2025 жылы туылған нәрестені босатты.
Төтенше оқиға сәтті аяқталып, ешкімге медициналық көмек қажет болмағаны да нақтыланады.
Бұған дейін өрттен адамдарды құтқарған астаналық азамат медальмен марапатталғаны хабарланған.