Бұған дейін әлеуметтік желілер мен мессенджерлерде Қонаев қаласынан 8 км қашықтықта эпицентрі бар, магнитудасы 4,1 болатын жер сілкінісі болғаны туралы ақпарат тараған болатын.
"Алматы облысының Төтенше жағдайлар департаменті ҚР ТЖМ "Сейсмологиялык зерттеу институты" ЖШС сейсмикалық станциялар желісінің деректеріне сәйкес Алматы облысы аумағында және Қонаев қаласының маңында жер сілкінісі тіркелмегенін хабарлайды. Тұрғындардан өтініштер түскен жоқ, сонымен қатар, қираулар мен зардап шеккендер туралы мәліметтер тіркелмеді. Қонаев қаласының тұрғындары мен қонақтарын сабыр сақтауға және тек ресми ақпарат көздеріне сенуге шақырамыз",- делінген ведомство мәліметінде.
Сонымен қатар, министрлік төтенше жағдайлар туындаған жағдайда 112 нөміріне хабарласуларыңызды сұрады.
Бұған дейін Түркістан облысында әкесін ұрған қазақстандыққа үкім шығарылғанын жазғанбыз.