Бұл арада Ақан Сері көшесі, 18 мекенжайында орналасқан көппәтерлі тұрғын үйге жапсарлас заңсыз салынған қосалқы нысан туралы сөз болып отыр.
Жоспардан тыс тексеру барысында нысанның рұқсатсыз салынғаны анықталды.
Сурет: Алматы қалалық әкімдігінің баспасөз қызметі
Нысан иесіне қатысты әкімшілік шаралар қабылданып, заң бұзушылықтарды жою туралы нұсқама берілді.
"2025 жылы 9 қазанда Әкімшілік құқық бұзушылықтар жөніндегі мамандандырылған ауданаралық сот нысан иесін кінәлі деп танып, қосалқы нысанды мәжбүрлеп бұзу туралы шешім қабылдады", делінген ведомство хабарламасында.
Сурет: Алматы қалалық әкімдігінің баспасөз қызметі
Сот шешімін орындау аясында бірер күн бұрын қосалқы нысанды бұзу жұмыстары басталды.
Бұған дейін Алматыда заңсыз салынған базар сүрілгенін жазғанбыз.