Жәбірленушінің айтуынша, «ВКонтакте» әлеуметтік желісі арқылы танысқан жігіті оның сеніміне кіріп, 3 млн теңгесін алған. Алайда арада біршама уақыт өтсе де ақшасын қайтармаған, не телефонға жауап бермеген. Аталған жайтты полицейлер ҚР ҚК-нің 190-бабымен (Алаяқтық) сотқа дейінгі тергеп-тексеру бойынша тіркеуге алды.
Шымкент қаласы полиция департаментінің мәлімдеуінше, алаяқтық жолмен алған ақшаны тұрғын өз қажеттілігіне жаратып жіберген.
Тәжірибелі мамандардан құрылған жедел-тергеу тобы тұрғынды арбауына түсірген алаяқты ұстауға қажетті шараларды жасады. Куәлардан жауап алу барысында, жинақталған ақпарат көздері арқылы азаматтың жеке басы анықталып, Абай ауданы полиция басқармасына жеткізілді. Ұсталған азамат жергілікті тұрғын екені белгілі болды. Шымкент қаласы полиция департаментінің баспасөз қызметі
Қазіргі таңда сотқа дейінгі тергеу амалдары жүріп жатыр. Өз кезегінде, Шымкент қаласының полицейлері азаматтарға алаяқтардан барынша сақ болуға шақырады.
Егер сіз алаяқтықтың құрбаны немесе куәгері болсаңыз, тез арада «102» нөміріне хабарласыңыз. Сіздің берген ақпаратыңыз, қылмыстың тез арада ашылуына өз септігін тигізетінін ескеріңіз. Шымкент қаласы полиция департаментінің баспасөз қызметі