Облыстағы базарлардың біріндегі ломбард қожайыны 19 қаңтарда Қарасай аудандық полиция бөлімінің кезекші бөліміне арызданды. Ол 1 000 000 теңге сомасындағы алтын зергерлік бұйымдардың ұрланғанын жеткізді.
Оның айтуынша, есік бұзылған, ұрлық 2021 жылдың 31 желтоқсанынан 2022 жылғы 6 қаңтар аралығында жасалған.
Жүргізілген жедел-іздестіру іс-шараларының нәтижесінде із кесушілер бір тәулік ішінде бұрын ұрлық үшін бірнеше рет қылмыстық жауапкершілікке тартылған 28 жастағы Қарасай ауданының екі тұрғынын анықтап, ұстады. Олардың бірі ұсынылған дәлелдерден соң 6 қаңтарға қараған түні ұрлық жасағанын мойындап, ұрланған заттарды шығарды. Алматы облысы ПД баспасөз қызметі
Жәбірленуші полицейлерге құқық бұзушыларды тез ауыздықтағандары үшін алғыс білдірді. Ұсталғандар уақытша ұстау изоляторына қамалды.