Полиция қызметкерлері қалалық саябақта кәмелетке толмағандарды ұрып-соқты деп күдікке ілінген төрт жігітті анықтап, ұстады. Бұзақылық фактісі бойынша сотқа дейінгі тергеу басталды, деп жазды Қостанай облысы ПД бастығы Ерлан Омарбеков Facebook-тегі парақшасында.
Бірден процессуалдық шешім қабылданып, бұзақылық фактісі бойынша сотқа дейінгі тергеу басталды. Бейнебақылау камераларының арқасында ұрып-соғуға қатысты төрт жасөспірімнің жеке басы анықталды. Қазіргі уақытта олардың заңды өкілдерімен жұмыс жүргізілуде. Ерлан Омарбеков
Облыстық полиция бастығының айтуынша, оқиға куәгері болған әйел төбелескендерді ажыратуға тырысқан. Сол кісінің суреттеуімен полиция оқиғаның жай-жапсарының тізбегін құра алды.
Барлық балалар спортпен шұғылданады. Қалғанының бәрін тергеу анықтайды. Демалыс кезінде полиция балаларды бақылауға алу, әсіресе кешқұрым уақыт бойынша ата-аналармен жұмысты күшейтеді. Ерлан Омарбеков
Облыстық ПД бастығы оқушылар мен студенттердің ата-аналарына каникул кезінде балалардың бос уақытын бақылауға алып, оларды назардан тыс қалдырмауды сұрады.
Алдында 13 және 15 жастағы екі ағайынды жасөспірімді Қостанайдағы аттракциондар саябағында белгісіз біреулер аяусыз соққыға жыққаны туралы ақпарат жарияланған. Төбелес полиция бекетінің маңында орын алды, бірақ сол кезде бекет жабық болып, полиция қызметкерлері орнында болмаған.
