25 қазанда Шығыс Қазақстан облысы Тарбағатай ауданының аумағында Омбы–Майқапшағай тасжолының 29-шы шақырымында аудандық полиция бөлімінің қызметкерлері Өскемен қаласының 58 жастағы тұрғыны тізгіндеген жүк көлігін тоқтатқан. Ол рұқсат құжаттарынсыз 20 тоннаға жуық көксерке балығы мен табан балықты тиеп әкеле жатқан.
Келтірілген жалпы шығын 116 миллион теңгеден асады.
Қаскөйге қатысты ҚР ҚК-нің 335-бабы 1-бөлігімен сотқа дейінгі тергеу басталды. Аталған бапта 3 жылға дейінгі мерзімге бас бостандығынан айыру түріндегі жаза көзделген. ШҚО ПД бастығының бірінші орынбасары Думан Қожахметов