Олар негізінен ВАЗ көліктерін ұрлаған. Қылмысты жаңа тұрғын үйдің бірінің жанында жасаған: олар дабыл құрылғысының бар-жоғын тексеріп, одан соң құлпын бұзып ашып, содан кейін көліктерді фазендаға айдап апарған.
3 көлік айғақты зат ретінде тәркіленді және іс материалдарына қосылды. Күдіктілер тағы бір көлікті сатып үлгерген. Наурызбай аудандық Полиция басқармасының бастығы Данияр Меңдебаев
Ұсталғандардың екеуі де бұрын тонау және қарақшылық жасағаны үшін сотты болған.
Олар аталған эпизодтар бойынша жасаған қылмыстарын мойындады.
Қазақстанда жыл басынан бері 909 көлік ұрланған, оның 775-і немесе 85,3% табылып, заңды иелеріне қайтарылды. 19 қылмыстық топ ұсталды, олардың халықаралық байланыста бар-жоғы тексеріліп жатыр.
