"Бүгін сағат 18:05-те Өскемен қаласындағы №1 қалалық соттың ғимараты миналанған деген хабарлама түсті. Қазіргі уақытта облыстың мамандандырылған қызметтері объектілерді қарап, тексеру жұмыстарын жүргізіп жатыр", - делінген хабарламада.
Еске салайық, 6 желтоқсанда Екібастұз полициясына қаладағы әкімдік ғимаратына бомба қойылғаны хабарлама түскен, бірақ ешқандай жарылғыш зат табылмады. Полиция жалған ақпарат таратқан күдіктіні ұстады.
Ал 30 қарашада Алматы облысы Талғар ауданы полиция басқармасына колледждердің бірінде терроризм актісі болатыны жайында ақпарат түскен. Мұны жасөспірім таратқан. Алайда ақпарат расталмады. Енді терроризм актісі туралы жалған хабарлағаны үшін 14,5 млн теңге айыппұл салынуы не түзеу жұмыстары түріндегі жаза берілуі мүмкін.