Полиция қызметкерлері арнайы ақпарат көзі арқылы елді мекендердің бірінде трамадол сатады деп күдікке ілінген жергілікті тұрғынды анықтаған. Бұл туралы otyrar.kz хабарлады.
Одан 400 дана трамадол дәрілері табылып, тәркіленді. Ол дәрілерді Шымкенттегі бейтаныс біреуден алып, әрбір данасын 1 200 теңгеден сатқанын мойындады.
"Бұл жайт Келес аудандық полиция бөлімінде тіркеуге алынды. Сонымен бірге жинақталған материалдар заңды шешім қабылдау үшін Түркістан облысы бойынша медициналық және фармацевтикалық бақылау комитетінің департаментіне жолданды".