8 ақпанда Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтеді, деп хабарлады президенттің баспасөз хатшысы.
Берік Уәлидің айтуынша, жиын барысында еліміздің былтырғы әлеуметтік-экономикалық дамуының қорытындылары туралы есеп беріледі және Үкіметтің 2022 жылға арналған іс-қимыл жоспары қарастырылады.
Үкіметтің соңғы кеңейтілген отырысы 2021 жылдың 10 шілдесінде өтті. Отырыста еліміздің 2021 жылдың бірінші жартыжылдығындағы әлеуметтік-экономикалық дамуының қорытындылары шығарылды.
