Ер адам 10 жасар қызымен бірге Алексей Хегай көшесімен келе жатқанда КамАЗ оның жолын жауып, көлденең тұрып алғанын айтады. Ол жүк көлігінің жүргізушісінен бір шетке ығысуын өтінген, бірақ осы кезде белгісіз біреу көлікке кіріп, оны ұра бастаған. Төбелескендерді ажыратуға тырысқан қызы да зардап шеккен. Сөз соңында ер адам өзіне шабуылдаған полиция қызметкері болғанын айтады.
Видеода бейәдеп сөздер бар!
Қалалық полиция департаменті 28 қыркүйекте Наурызбай ауданында жол қозғалысының екі қатысушысы арасында жанжал болғанын растады, ақрында бірі екіншісінің ұялы телефонын тартып алған.
"Оның қарсыласы ұялы телефонын алуға тырысқан, бірақ ол қашып кеткен. Қазіргі уақытта полицияға ұялы телефонды тонау дерегі бойынша арыз келіп түсті", - деді Алматы полиция департаментінің баспасөз қызметі.
Сондай-ақ, қазіргі уақытта дене жарақатын алу фактісі бойынша өтініш-арыз түспегені де атап өтіледі.
"ҚР ҚІЖК 24-бабының өндіріс материалдарының объективтілігі, жан-жақтылығы мен толықтығы туралы талаптарын ескере отырып, тергеу әрекеттері жүргізілуде".
Сонымен қатар, ведомство нақтылап өткендей, ер адам полиция қызметкері емес.
