ҚР ІІМ баспасөз қызметінің мәліметінше, учаскелік инспектор Дархан Гайсин оқиға орнына хабар түскеннен кейін шыққан. Ең алдымен, ол суықтан, стресс салдарынан жағдайы нашарлаған ер адамға көмек көрсетіп, оған жедел жәрдем шақырған.
"Кейіннен тәртіп сақшысы бұл жүргізушінің қар құрсауында қалған жалғыз адам емес екенін байқаған. Ол құтқарушылардың жұмысын үйлестіріп, өзі де көліктерді қардан шығару жұмыстарына қатысты", делінген хабарламада.
ШҚО сақшылары ауа райының нашарлауына байланысты өңір тұрғындарын алыс сапарларға шықпауға шақырамыз. Жүргізушілерге жолда міндетті түрде жол жағдайы туралы жаңалықтарды тұрақты түрде бақылап отыру ұсынылады.
