Сотта 2024 жылдың маусым айында сотталушы Қостанайда өз үйінің подъезі алдында ЖШС директорының өзінің қызметкері арқылы беріп жіберген 2 000 000 теңгені алғаны белгілі болды. Одан кейін тамыз айында СОО-да орналасқан кафеде ол ЖШС директорының өзінен келісілген соманың қалған бөлігі - 2 400 000 теңгеі алған. Бұл ақшаға сотталушы 78 млн 125 мың теңге сомасына бір көзден пестицидтерді сатып алу туралы шарт жасасуды уәде еткен.
Сотқа дейінгі тергеп-тексеру барысында күдіктілер қылмыс жасағаны үшін кінәні толық көлемде мойындады, өкініш білдірді, осыған байланысты іс сотқа жеделдетілген сотқа дейінгі тергеп-тексеру хаттамасымен келіп түсті.
"Сотталушылардың жеке басын, сыбайлас жемқорлық ауыр қылмыстар санаттарына жататын жасаған іс - әрекеттерінің сипаты мен қоғамдық қауіптілік дәрежесін, іс бойынша барлық мән-жайларды, сондай-ақ ҚК-нің 55-бабы 3-бөлігінің талаптарын ескере отырып, сот мемлекеттік қызметте лауазымдарды атқару құқығынан өмір бойына айыра отырып, лауазымды тұлғаға ҚАЖ орташа қауіпсіздік мекемелерінде өтеу тұрғысында 3 жыл 6 ай мерзімге, ал кәсіпкерге 3 жыл мерзімге бас бостандығынан айыру түріндегі жазаны тағайындады", делінген сот хабарламасында.
Шенеуніктен алынған пара - 4 000 000 теңге мемлекет кірісіне айналдырылды, сондай-ақ параның қалған сомасының құны 400 000 теңге мемлекет кірісіне өндірілді.
Үкім заңды күшіне енген жоқ.