Павлодар облысы Ертіс ауданында балық аулауға барған 64 жастағы зейнеткер суға батып кетіп мерт болды, деп хабарлайды pavlodarnews.kz.
Бұл туралы облыстық ТЖД басқармасының мемлекеттік тіл және ақпарат тобы хабарлады.
- Ертіс ауданында Ынтымақ ауылынан төрт шақырым жерде 1953 жылы туған ер адам суға батып кеткен. Бірнеше сағаттан соң куәгерлер балықшының денесін өзеннен алып шықты, - дейді мамандар.
Павлодар облыстық ТЖД өзен жағасындағы қауіпсіздік шараларын сақтау керектігін қатаң ескертеді.
Еске сала кетейік, өткен аптада Ертіс ауылында судан ажал құшқан 64 жастағы ер адамның денесі табылған болатын.
Абзал Қабдраш
Фото: Рavlodarnews.kz