Қостанайда бала бесінші қабаттан құлап кетті. Өтіп бара жатқан адам ұстап алғандықтан, бала күрделі жарақат алмаған, деп хабарлайды Zakon.kz Костанайские новости-ге сілтеме жасап.
"Қазір бала травматология бөлімінде жатыр, оны жан сақтау бөлімінен шығарды. Ота жасаудың қажеті болмады. Бірақ бала басынан жарақат алған" - дейді аурухананың бас дәрігері қызметін атқарушы Игорь Белобржицкий.
Дәрігерлердің айтуынша, бала жоғары қабаттан өзі секіріп кеткен. Үстінде сырт киімі болған.
Ал баланың өзі ештеңе айтпайды, ештеңе есімде жоқ дейді. "Мүмкін қорқатын шығар" - деп болжап отыр дәрігерлер.