ҚР Ұлттық гвардия баспасөз қызметініің мәліметінше, 20 қаңтар күні кешкілік қатардағы сержант Кенжетай Отарбай, Тұрар Уахит пен аға сержант Хамиджан Миргазием жол үстінде жатқан әйелді көреді, деп хабарлайды stan.kz.
Сарбаздар әйелдің жүрек соғысын тексеріп, Кенжетай Отарбай оған алғашқы көмек көрсетеді. Өзінің оқтан қоғайтын күртесін әйелдің астына төсеп жіберіп, жүрегіне массаж жасап, жасанды дем берген. Бұл кезде Хамиджан Миргазием жедел жәрдем шақырған.
Құтқарушылардың алғашқы көмегінен соң әйел есін жиып, емханаға жеткізілді. Сарбаздар дер кезінде көмек көрсетіп, әйелді ғана емес, құрсағындағы сәбиді де аман алып қалды.