Атырау облысында астық артылған вагондар рельстен шығып кетті, деп хабарлайды «ҚазАқпарат» ХАА.
«ТЖ 23 қаңтарда таңертең Атырау облысындағы Мақат-Құлсары теміржол учаскесінде болған. Қостанай облысынан Ақтау теңіз портына бет алған астық артылған төрт вагон рельстен шығып кеткен», - деп хабарлады Атырау облыстық көлікті бақылау инспекциясында. Қазіргі таңда теміржол апатының мән-жайы анықталып жатыр.
