Балқаш қаласының полицейлері 20 қаңтар күні түнде 50-ге жуық көліктің дөңгелегін қасақана жарған 23 және 24 жастағы жігіттерді ұстады, деп хабарлайды Baq.kz ақпарат агенттігі.
Бұл туралы Қарағанды облысының ІІД баспасөз қызметі мәлім етті.
«Ұсталған екі жігіт мас болып, бұзақылық жасағандарын мойындады. Сондай-ақ, олардың әрекеті бейнебақылау камераларына түсіп қалған. Аталған фактіге қатысты Қазақстан Республикасы Қылмыстық Кодексінің «бұзақылық» бабы бойынша сотқа дейінгі тергеу амалдары жүргізілуде», - дейді Қарағанды облысының ІІД баспасөз қызметінің жетекшісі Бақытжан Құдияров.
